Gold

 جميلة جدا وبتغير المووود وسهلة جدا المكونات : 400 جرام حليب مكثف محلي 300 جرام شيكولاتة سادة اللي هيه شوكولاتة المطبخ ممكن دريم مثلا وبس كده هنحط اللبن وفوقه الشيكولاته علي نار هادية جدا واول ما الشيكولاته تبدأ تسيح نطفي عليهم لأننا مش عايزين الشيكولاته تتحرق  خلوا بالكم الخطوة اللي فاتت مهمة جدا  نقلب الخليط كويس ويمكن كمان وضع مكسرات لو حابين  توضع في قالب مفروش بورق الزبدة ولو مفيش قالب عادي بس يكون مبيلزقش في التلاجة وممكن نرش عليها كاكاو بودر 😋😋😋😋 ممكن نستخدمها كتحلية سريعة لو جالك ضيوف فجأة ومعندكيش حاجة حلوة مع الشاي  وبالهنا والشفا 😋😋👏

 أيوة هقولكوا علي تريكاية جديدة تخليها مقرمشة أوي ولونها تحفة المقادير : كيلو بطاطس متقطعة شيبسي رفيع معلقة كبيرة كركم 2 معلقة كبيرة خل نص معلقة كبيرة ملح ماء دافئ نغطي البطاطس بالماء الدافئ والخليط السابق نتركها لمده 45 دقيقة تقلي في زيت ساخن غزير تقدم ساخنة 😋😋😋😋😋😋 تحفة ولونها روعة 

 وصفة سهلة وخفيفة بدبابيس الدجاج المقادير :  8 دبابيس دجاج 2 علبة زبادي صغيرة طبعا زبادي عادي بدون فاكهة معلقة صغيرة بابريكا 2معلقة كبيرة زعتر جاف معلقة صغيرة ملح معلقة صغيرة فلفل اسود الطريقة : تغسل الدبابيس جيدا وتصفي وتتبل بكل ما سبق حوالي ساعتين الي 4 ساعات وتوضع في الثلاجة بعد ذلك توضع الدبابيس كما هي بالتوابل في صينية حوالي نصف ساعة او حتي النضج ويمكن وضعها 10 دقايق في الفرن حتي احمرار الوجه 😋😋😋😋 وصفة سهلة وجميلة ومفيهاش دهون  تقريبا  وبالهنا والشفا 😋👏👏👏

 وصفة تحفة للي عايز يغير شوية في طبخ الفراخ الوصفة ممكن تتعمل بفرخة كاملة متقطعة 6 قطع او اوراك او دبابيس فراخ هنفترض أننا هنعملها بدجاجة كبيرة المرة دي  طبعا الفراخ تكون بيضاء مش بلدي المقادير :  دجاجة كبيرة مقطعة الي 6 قطع 3 بصلات كبيرة مقطعة شرائح معلقة صغيرة ملح معلقة صغيرة فلفل اسود مكونات المرقة واحد ونص كوب ماء ساخن 2 مكعب مرق دجاج 2 معلقة كبيرة دبس رمان 2 معلقة كبيرة عصير ليمون 2معلقة كبيرة زبده  نص معلقة كبيرة سكر معلقة صغيرة سبع بهارات معلقة صغيرة ممسوحة ملح نص معلقة صغيرة من كل من الفلفل الأسود والروز ماري الجاف والقرفة المطحونة طريقة عمل الدجاج : تغسل الدجاجة بالماء والخل والليمون والدقيق وتجفف جيدا وتتبل بالملح والفلفل تفرد شرائح البصل في صينية كبيرة وترص عليها قطع الدجاج ثم تغطي جيدا بورق الفويل توضع صينية الدجاج علي الرف الأوسط في فرن ساخن وتترك 30 دقيقة طريقة عمل المحرقة : يوضع الماء الساخن في إناء على النار حتي تغلي تضاف للماء المغلي جميع المكونات الاخري وتترك المرقة علي النار لمدة 3 دقائق او حتي تمتزج المكونات ثم يرفع من علي النار تخرج الصينية من ال...

 البانيه اللذيذ اللي ملوش حل وصفة مامتي بجد وكل اللي بياكله من ايديها مبيعرفش ياكله من حد تاني نخش في الموضوع المقادير : نص كيلو صدور فراخ متقطع شرائح يغسل بالماء والخل التتبيلة بقي : بصلة كبيرة مبشورة  معلقة صغيرة مليانة من كل من ملح وفلفل وبهارات معلقة كبيرة عصير ليمون نص معلقة صغيرة من كل من كاري وكركم يتبل البانيه بالخليط السابق مش اقل من خمس ساعات ولا اي توم ولا بصل بودر والله ماليهم لازمة وهتحسي انك مكلتيش بانيه قبل كده للقلي : طاسة فيها معلقة شوية زيت ذرة ومعلقة سمن ونضع صدور البانيه في البيض ثم البقسماط الناعم يفضل ريتش بيك  يقلي ويقدم ساخنا مع سلطة خضراء وبطاطس محمرة وعيش بلدي 😋😋😋😋

 ايوه بقي هوه ده الكلام ازاي نعملها عدد 1 كرنب سلطة يفضل حجم صغير جزرة كبيرة للصوص نص كوب كبير مايونيز 2ونص معلقة كبيرة عسل نحل  2 معلقة سكر أبيض معلقة واحدة خل أبيض تخلط مكونات الصوص مع بعضها يمكن تذوق الصوص في هذه المرحلة عشان نشوف حلو ولا محتاج سكر زيادة او عسل  مع العلم الكمية المذكورة مناسبة جدا نقطع الكرنب بعد ما نغسله ونرمي القشرة الخارجية الي قطع صغيرة مع الجزرة المبشورة ونضيفهم علي الدريسنج توضع في علبة الي اليوم التالي أيوة يفضل عدم أكلها في نفس اليوم عشان تشرب من الصوص وبالهنا والشفا 😋😋😋😋

 البفتيك من احلي الأكلات اللي لازم تبقي في اي عزومة وبيبقي طبق جميل ويفتح النفس واول طبق بيتنسف !😂 المقادير من غير رغي كتير : نص كيلو بفتيك متقطع عند الجزار طبعا شرائح ووصيه لا رفيع ولا تخين )معلقة صغيرة مليانة  من كل من (ملح-فلفل اسود -السبع (بهارات 2 بصلة مبشورة حجم وسط وعصير نصف ليمونة اغسلي شرائح البفتيك بالماء والخل وتبليه مش اقل من 3 ساعات وبعدين نقليه في بيض وبقسماط ملحوظة : اللحمة غير الفراخ مش محتاجة توابل كتير تغطي على طعمها واللي يقولك غير كده تبقي اشتغالة  قدمي معاه بطاطس محمرة وسلطة خضراء 😋😋😋 والله جعت انا هقوم اعمله 😂

 مين فينا مبيحبش الجمبري هقولكوا علي وصفة خطشيييييرة المقادير : نص كيلو جمبري صغير معلقة صغيرة كمون خمس فصوص ثوم معلقة ملح صغيرة عصير نصف ليمونة معلقة صغيرة بابريكا تخلط مكونات التوابل والثوم مع بعضها ثم تضاف للجمبري بعد ان يغسل بالماء والخل يترك في التتبيلة لمدة ساعتين تقريبا للتسوية : ممكن نقليه في خليط دقيق وملح وبابريكا وكركم وثوم بودر ثم يقلي في زيت ساخن او يتم تشويحه في معلقتين زيت ذرة لمده 15 دقيقة حتي تمام النضج  يقدم في سندويتشات مع عيش بلدي وبالهنا والشفا

 مين فينا مقراش او مسمعش قبل كده عن بذر الكتان وفوايده الرهيبة للشعر حتي انه مثالي لأي نوع شعر تقريبا ...تعالوا نشوف الوصفة عبارة عن إيه كوب ماء عادي  3 ملاعق بذر كتان توضع علي النار وتغلي لمدة 4 دقائق  وبعدين تترك قليلا لتبرد ثم يصفي ويوضع في حافظة زجاجية في الثلاجة ينصح بتكرار التجربة كل غسلة مثالي أيضا كبديل للجيل العادي (بيعمل كيرلي هايل (

 عايزة وصفة بيج تيستي صوص ملهاش حل  اكتبي ورايا يا ست الكل المقادير  كوباية مايونيز 3 ملاعق كاتشب معلقة واحدة مسطرده 2 معلقة كبيرة بودرة باربيكيو (ممكن سبرينكل بطعم الباربيكيو ) نص معلقة بابريكا معلقة خل أبيض معلقتين زيت ذرة فصين.توم كبار شوية خيار مخلل معلقة صغيرة بصل مفروم معلقة عصير ليمون ومعلقة عسل أبيض تخلص كل المكونات ويوضع في إناء زجاجي للسندوتشات بالهنا والشفا  وهمي علي سندويتشات البرجر واتحدي ماك

 تحت شعار الدنيا رايحة علي فين استقبل الجمهور اسعار الذهب اليوم حيث يتطلع من لديه عدد من المدخرات الذهبية لزيادة السعر حتي يحصل علي اعلي سعر  وعلي جانب آخر ينتظر من يريد الشراء انخفاض الأسعار حتي يتمكن من تنفيذ مطالبه سواء كان شراء شبكة او ما شابه اليكم اسعار اليوم  عيار 18: 726 جنيه عيار 21 : 847 جنيه عيار 24 : 969.25 جنيه الجنيه الذهب : 6784 جنيه السعر العالمي : 1939 دولار  وتوقع محللون موجات من الصعود والهبوط الأيام القادمة