دجاج بالبصل المكرمل ودبس الرمان 😋😋😋😋😋

 وصفة تحفة للي عايز يغير شوية في طبخ الفراخ

الوصفة ممكن تتعمل بفرخة كاملة متقطعة 6 قطع او اوراك او دبابيس فراخ هنفترض أننا هنعملها بدجاجة كبيرة المرة دي 

طبعا الفراخ تكون بيضاء مش بلدي

المقادير : 

دجاجة كبيرة مقطعة الي 6 قطع

3 بصلات كبيرة مقطعة شرائح

معلقة صغيرة ملح

معلقة صغيرة فلفل اسود

مكونات المرقة

واحد ونص كوب ماء ساخن

2 مكعب مرق دجاج

2 معلقة كبيرة دبس رمان

2 معلقة كبيرة عصير ليمون

2معلقة كبيرة زبده 

نص معلقة كبيرة سكر

معلقة صغيرة سبع بهارات

معلقة صغيرة ممسوحة ملح

نص معلقة صغيرة من كل من الفلفل الأسود والروز ماري الجاف والقرفة المطحونة

طريقة عمل الدجاج :

تغسل الدجاجة بالماء والخل والليمون والدقيق وتجفف جيدا وتتبل بالملح والفلفل

تفرد شرائح البصل في صينية كبيرة وترص عليها قطع الدجاج ثم تغطي جيدا بورق الفويل

توضع صينية الدجاج علي الرف الأوسط في فرن ساخن وتترك 30 دقيقة

طريقة عمل المحرقة :

يوضع الماء الساخن في إناء على النار حتي تغلي

تضاف للماء المغلي جميع المكونات الاخري وتترك المرقة علي النار لمدة 3 دقائق او حتي تمتزج المكونات ثم يرفع من علي النار

تخرج الصينية من الفرن ونرفع الفويل ثم نضع المرقة المتبلة 

ونغطيها مرة تانية بالفويل ونسيبها في الفرن 20 دقيقة أخري او حتي تمام النضج

تخرج وتبرد قليلا ثم تقدم مع الأرز الأبيض والسلطات

معلش طولت عليكوا النهاردة بس الوصفة تستاهل 😋😋😋😋

وبالهنا والشفا